Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, Jylyoı aýdandyq ortalyq aýrýhanasynyń qabyldaý bólimine 27-28 jeltoqsanda taǵamdyq toksıkoınfeksııasy dıagnozymen 29 naýqas qaralǵan, dep habarlaıdy Egemen.kz.
Onyń ishinde 4 naýqas stasıonarǵa jatýdan bas tartypty. Úıine ambýlatorly em alýǵa 4 naýqas jiberildi.
«Qazir 21 naýqas stasıonarǵa jatqyzyldy. Ýlanǵan naýqastardyń bári 24 jeltoqsanda «Trı samýraıa» dámhanasynan alǵan sýshıden ýlanǵan. Aýrýhanada jatqan naýqastar juqpaly aýrýlar bólimine aýystyrylyp, tıisti em-dom sharalaryn qabyldaýda» deıdi Jylyoı aýdandyq ortalyq aýrýhanasynyń dırektory Nurbek Úkibaev.
Onyń aıtýynsha, naýqastarda ish ótý, joǵary temperatýra, júrek aınýy, qusý men jalpy álsizdik belgileri baıqalpty. Qazir olardyń jaǵdaıy «ortasha aýyr» dep baǵalanyp otyr.
Bul faktige qatysty quqyq qorǵaý organdary men sanıtarııalyq-epıdemıologııalyq baqylaý basqarmasynyń mamandary tekserý júrgizýdi bastady.